Атырау облыстық Жастар ресурстық орталығының негізгі мақсаты - өңір жастарын қолдау, олардың әлеуетін дамыту және қоғамдық өмірге белсенді қатысуына қолайлы жағдай жасау.

Орталықтың негізгі міндеттері:

Жастарды жұмыспен қамтуға жәрдемдесу, олардың цифрлық сауаттылығын арттыруға, инновациялық және кәсіпкерлік қызметін дамытуға ықпал ету;

Жастарға психологиялық, консультациялық және құқықтық көмекті тегін негізде көрсету;

Жастардың қызығушылықтары мен қажеттіліктерін ескере отырып, түрлі бағыттар бойынша жобалар мен бағдарламаларды іске асыру;

Жастардың азаматтық белсенділігін арттыруға, шығармашылық, зияткерлік және көшбасшылық қабілеттерін дамытуға бағытталған іс-шараларды ұйымдастыру;

Мемлекеттік жастар саясатын іске асыруға қатысу және жастар бастамаларын қолдау.